Cov npe tsiaj yog los ntawm Txhiaj Vwj Yaj. Daim ntawv xam caij nyoog yog los ntawm Vam Yaj Lis. Cov Hli thiab hnub ces yog saib los ntawm Txhiaj Vwj Yaj thiab Thaib cov calendars mus txuam rau Suav. Cov hli ces yog siv Thaib cov xwb. Suav li ces cov hli txawv lawm. Xws li lub Ib Hlis, 2008 ces hli Suav tseem yog lub 11 Hlis, tabsis cov hnub ho yog tib yam nkaus. Yog li, cov hnub siv hauv no ces yog los ntawm Thaib cov, uas yog lawv muaj hnub xiab thiab hnub nqig. Txhua~ hli ces yeej muaj Xiab 1 mus txog rau Xiab 15, tabsis thaum hli nqig no ces muaj 14 hnub xwb yog lub hli khib, xwsli 1, 3, 5, 7, 9, 11. Hos cov hli khub, 2, 4, 6, 8, 10, 12, ces muaj nqig mus txog 15. Xyoo Thaib ces yog 2251, tabsis xyoo Mekas ces yog 2008. Qhov txawv ces yog Thaib pib suav xyoo thaum Buddha, Buddha Shakyamuni, hnub yug los, uas yog 543 ua ntej Yexus,Jesus Christ, hnub yug.